‛பட்டத்து அரசன்’ ஆன அதர்வா

இயக்குனர் சற்குணம் – நடிகர் அதர்வா நடிக்கும் படத்திற்கு ‛பட்டத்து அரசன்’ என பெயரிட்டு, பர்ஸ்ட் லுக் போஸ்டரை வெளியிட்டுள்ளனர்.

‛‛களவாணி, வாகை சூடவா, களவாணி 2, சண்டிவீரன்” உள்ளிட்ட படங்களை இயக்கியவர் சற்குணம். நடிகர் அதர்வாவை வைத்து ஏற்கனவே சண்டிவீரன் படத்தை இயக்கினார். அதையடுத்து மீண்டும் அவரை வைத்து ஒரு படத்தை இயக்கி வந்தார். கிராமத்து கதைக்களத்தில் உருவாகி வந்த இந்த படத்தில் நடிகர் ராஜ்கிரணும் முக்கிய வேடத்தில் நடித்துள்ளார். ஜிப்ரான் இசையமைக்கிறார்.

பெயர் வைக்காமலேயே இதன் படப்பிடிப்பு நடந்து வந்தது. தற்போது இந்த படத்திற்கு ‛பட்டத்து அரசன்’ என பெயரிட்டு பர்ஸ்ட் லுக் போஸ்டரை வெளியிட்டுள்ளனர். அதில் கிராமத்து லுக்கில் அதர்வாவும், ராஜ்கிரணும் நடந்து வருவது போன்று அமகை்கப்பட்டுள்ளது. லைக்கா தயாரிக்கும் இந்த படம் விரைவில் திரைக்கு வர உள்ளது.